В лѣто 6366 [858]. Михаилъ царь изыде съ своими вои брегом и моремь на болгары; болгаре же, увѣдѣвше, и не могошя стати противу ему, и просишя креститися, и покоришася грекомъ. Царь же крести князя их и боляре вся, и миръ сътвори с болгары въ 7-е лѣто царства своего.
Новгородская первая младшего извода
Новгородская Карамзинская
Софийская первая летопись
Тверская летопись
858
В лѣто 6366 [858]. Михаилъ царь изыиде с вои своими брегомъ и моремъ на болгары. Болгари же увидѣвше, и не могоша стати противу ему, и просиша креститися, и покоришася грекомъ. Царь же крести князя ихъ и боляры вся и миръ створи с болгары въ 7 лѣто царствия своего.
Теги: Князь, Болгария, Византийский, Император, Болгарский, Михаил III, 858, 6366, Борис I,
902
В лѣто 6410. Леонъ царь ная угры на блъгары. Угри же, нашедше, всю землю Блъгарскую пленоваху. Симеон же, увѣдѣвь, с болгары на угры възвратися, и угри противу сташа и побѣдишя блъгары, едва Симеонъ в Бересть убѣжа.
Теги: Князь, Болгария, Брест (Берестие), Византийский, Император, Венгры, Угры, 6410, 902, Лев VI, Болгары дунайские, Симеон I, Болгарский,
Въ лѣт(о) 6410. Леонтъ ц(а)рь ная угры и иде на Болгары. Угри же, нашедше, всю землю Болгарьскую пленевааху. Симеонъ же, увидѣвъ, с болгары на угры възвратися. И угри противу сташа и побѣдиша болгари, одва Семеонъ в Дерьстерьн убѣжа.
Теги: Византия, Князь, Царь, Болгария, Византийский, Венгры, Угры, Доростол, 6410, 902, Лев VI, Болгары дунайские, Симеон I, Болгарский,
Левъ Премудрый. Въ лѣто 6410 [902]. Леонь царь ная Угры и иде на Болгары, Угры же нашедше всю землю Болгарскую плѣневаху; Семеонъ же, увидѣвь нашествіе ихъ, съ Болгары и на Угры възвратися, и Угры противу сташа и побѣдиша Болгаровъ, едва Симеонъ царь убѣже вь градъ Дересть.