В лѣто 6552 [1044]. Ходи Ярославъ на литву.

А на весну же Володимиръ заложи Новъгород и сдѣла его.

В лѣто 6552 [1044]. И выгребошя два князя, Ярополкъ и Олегъ, сыны Святославля, и крестишя кости ею, и положишя и в церкви святыа Богородиця в Володимерѣ.

Ходи Ярослав на литву, и на весну заложи Новград, и сдела и.

В се же лѣто умре Брячеслав, сынь Изяславль, внукъ Володимирь, отець Всеславль; и Всеслав, сынь его, сѣде на столѣ отца своего. Сего же роди мати от влъхованиа; матери бо родивши его, бѣ ему язвено яма на главѣ его, ркошя бо волсви матери его: Все язвено навяжи на нь, да поносит от живота своего. Еже носил Всеслав и до смертнаго дне.

В лѣто 6552 [1044]. И выгребоша два князя, Ярополка и Олгя, сына Святославля, и крестиша кости ею, и положиша и въ церковь Святыя Богородица в Володимерѣ.

Ходи Ярославъ на литву, и на весну заложи Новъгородъ и сдѣла и.

Того же лѣта умре Брячаславъ князь, сынъ Изяславль, внукъ Володимерь, отець Всеславль, и Всеславъ, сынъ его, сѣде на столѣ отца своего, его же роди мати от волховования. Матери бо родивши его, бѣ ему на главѣ язвено яма на главѣ, ркоша вольсви матере его: «Все язвено навяжи и на нь, да носити е до живота своего Всеславъ на себѣ». Сего ради немилостивъ есть на кровопролитие.

Въ лѣто 6552 [1044]. Выгребоша два князя, Ярополка и Олга Святославичевь, Володимера великого братию, и крестиша кости ихъ, и положиша ихъ въ церкви святыа Богородица въ Володимерѣ.

Того же лѣта ходилъ Ярославь на литву; а на весну заложи Новогородъ , и здѣла его.

Того же лѣта умре князь Брячеславъ Полотскыи, сынъ Изяславь, внукь великого князя Владимера; и по немъ сѣде на столѣ его Полотцку сынъ его Всеславь, егоже роди мати отъ влъхвования; матери бо родивши его, бѣ ему на главѣ яма; и рекоша влъсви матери его: «се язвено навяжи на нь, да носитъ до живота своего Всеславь на себѣ;» сего ради немилостивь есть на кровопролитие.