Летописи

Выбранные теги: Очистить

1058,


Новгородская первая младшего извода

Новгородская Карамзинская

Софийская первая летопись

Тверская летопись

1058

В лѣто 6566 [1058]. Побѣди Изяславъ голядъ.

Теги: Изяслав Ярославич, 1058, 6566, Голядь,

Сем же лѣтѣ архиепископъ Лука прия свои столъ в Новѣгородѣ и свою область. Дудицѣ же холопу оскомины: урѣзаша ему носа и обѣ руцѣ, и бѣжа в Нѣмци.

Теги: Епископ, Немецкая земля, Новгород, Поставление, Лука, 1058, 6566, Дудика, Холоп,

В лѣто 6566 [1058]. Побѣди Изяслав голяди.

Теги: Изяслав Ярославич, 1058, 6566, Голядь,

Того же лѣта архиепископь Лука приа стол в Новѣграде и свою власть. Дудицѣ же холопу оскомины бышя, урѣзаша ему носа и руцѣ обѣ отсѣкошя; он же сбѣжа в Нѣмци.

Теги: Епископ, Немецкая земля, Новгород, Поставление, Лука, 1058, 6566, Дудика, Холоп,

Поучение архиепископа Лукы к братьи. Се, братье, первие всего заповѣдь извѣсто длъжни есмы вси христиане дръжати: вѣровати въ единъ Богъ, въ Трех славимъ, въ Отца и Сына и Святого Духа, якоже научили святии апостоли и отцы утвръдишя: Вѣрую въ единого Бога до конца. Вѣруите же въскресению и жизни вѣчнѣи, и муцѣ грѣшнымь вѣчнѣи. Не лѣнитеся к церкви ходити: на заутреню, и на литургию, и на вечернюю. И в своеи клѣти, хотя спати, Богу поклонився, толи на постели лязи. В церкви предстоите съ страхом Божиемь; не молви рѣчи, но ни помысли, но моли Бога всею мыслию, да отдаст ти Богъ грѣхы. Любовь имѣите съ всяцѣмь человекомъ, а боле з братьею. И не буди ино на сердци и ино же въ устех; ни под братом ямы не рои, да тебе Богъ в горшаа то и не вринет, но буди правдивь тако, яко не каися правды дѣля и закона Божия, и главу приложи, да съчтет тя Богъ съ святыми. Претръпите брат брату и всякому человеку, а не въздаите зла за зло. Друг друга похвали, да Богъ вы похвалит. Не мози свадити, да не наречешися сынъ диаволу, но смиряи, да будеши сынъ Богу. Не осуди брата ни мыслию, поминаа своя грѣхы, да тебе Богъ не осудить. Помните и милуите странныя и убогыа, и темничникы, и своим сиротамъ милостиви будите. Москолудство вамь, братье, не лѣпо имѣти, ни млъвити срамна слова, ни гнѣва на всякъ день имѣти. Не похритаися, ни посмѣися никомуже, в напасти же терпи, на Бога упование имѣя. Буести не имѣите, ни гордости, ни прилѣпляися инѣх творити; помня, яко утро будемь смрад и гнои и червие. Будте смирени и кротци, да и послушници будете и творцы Божиим заповѣдем, в гордаго бо сердци диавол сѣдит, и Божие слово не хощет прикоснутися емь. Чтите стара человека и родителя своя; не кленитеся Божиим именем, ни иного заклинаите, ни проклинаите. Судите по правдѣ, мзды не емлите, в лихву не даите. Бога ся боите, князя чтите; раби первое Бога, та же господину чтите от всего сердца; иереа божиа чтите и слугы церковныа. Не убии, не укради, не сължи, лживъ послух не буди, не ненавидѣ, не завиди, не клевечи, блудни не твори ни с рабою, не пии без года, но сдоволь, а не до пианства; не буди гнѣвлив, ни напраснив, буди с радующимися рад, с печалными печаленъ. Не ядите скверно, святыа дни чтите. Богъ же мира съ всѣми вами. Аминь.

Теги: Епископ, Лука, 1058, 6566,

В лѣто 6566 [1058]. Победи Изяславъ голядъ.

Теги: Изяслав Ярославич, 1058, 6566, Голядь,

Того же лѣта архиепископъ Лука прия престолъ свои въ Новѣгородѣ и свою власть, Дудици же холопу устнь и носъ срѣзаша и обѣ руцѣ усѣкоша.

Теги: Епископ, Новгород, Поставление, Лука, 1058, 6566, Дудика, Холоп,

Въ лѣто 6566 [1058]. Князь великии Изяславъ Ярославичь побѣди голядъ.

Теги: Изяслав Ярославич, 1058, 6566, Голядь,

Того же лѣта архиепископъ Лука приа престолъ свои въ Новѣгородѣ и свою власть; Дудицѣ же холопу устны и носъ срѣзаша и обѣ руцѣ усѣкоша.

Теги: Епископ, Новгород, Поставление, Лука, 1058, 6566, Дудика, Холоп,