В лѣто 6633 [1125]. Преставися Володимиръ Великыи в Киевѣ, сынъ Всеволожь; а сына его Мьстислава посадиша на столѣ отнѣ.

В то же лѣто бяше буря велика с градом, и хоромы раздра, стада и скотины, и с божьниць волны содра, и скотины нолна у Волхово, а другыя одва переимаша живы.

В том же лѣтѣ исписаша церковь Антонову в манастырѣ.

В то же лѣто посадиша на столѣ Всеволода новгородци.

В лѣто 6633 [1125]. Бысть буря велика с градомъ, и хоромы раздра, стада и скотины олно в Волхов въгна, а иныа одва переяша живы.

Того же лѣта исписаша церковь Антонову в манастырѣ.

И посадиша новгородцы у себе Всеволода на столѣ.

В лѣто 6633 [1125]. Преставися князь великыи Владимеръ Манамах, княживъ лѣтъ въ Киевѣ 13, а живе всѣх лѣтъ 73, украшенъ добрыми нравы и прослувыи в побѣдах за Рускую землю с погаными половци, его же имени вся страны трепетааху. И положенъ бысть въ церкви Святыя София в Киевѣ. И сѣде на столѣ в Киевѣ сынъ его стареиши Мьстиславъ, еще сы дѣтескъ.

Того же лѣта посадиша новогородци Всеволода на столѣ.

Въ лѣто 6633 [1125]. Преставися князь великии Владимеръ, въ Киевѣ, Всеволодичь Манамахъ, внукъ Ярославь, маа 19, княживъ лѣть 13, а живъ всѣхъ лѣть 73. И сѣде по немъ въ Киевѣ сынь его Мьстиславъ, а другыи сынь Ярополкь въ Переяславли; а Всеволодъ Мьстиславичь прииде изъ Новагорода кь отцу вь Киевь.

Того же лѣта бысть буря велика съ градомъ въ Новѣгородѣ, и хоромы подра и церкви, и скоты истопи въ Вльховѣ, а иныа одва переимаша живы.

Того же лѣта исписаша церковь святыа Богородица вь Антоновѣ манастырѣ.