В лѣто 6635 [1127]. Заложи Всеволод церковь камену святого Иоана на Петрятинѣ дворищи въ имя сыновне.

В то же лѣто паде метыль густъ по земли и по водѣ и по хоромомъ по двѣ нощи, а по 4 дни.

Того же лѣта обложи игуменъ Антонии в Новѣгородѣ тряпезницю камену.

В том же лѣтѣ вода бяше велика въ Волховѣ, а снѣгъ лежа до Яковля дни; а на осенъ поби морозъ все обилье; и бысть голод чресъ зиму, рожь осминка по полугривнѣ.

Того же лѣта бысть вода велика, а снѣг лежа до Яковля дни; а на осень мраз хлѣбь, и купиша осмину по полугривны.

В лѣто 6635 [1127]. Заложи церковь камену святого Иоанна Всеволод в Новѣгородѣ, на Петрятинѣ дворѣ, въ имя сына своего.

Тѣмъ повелѣ ити къ Изяславу и Всеволоду Олговичю, и повелѣ ити с братьию своею на Стрежевъ къ Борисову. И сына своего Изяслава изъ Туреска посла на Логожескъ, а Ростислава изъ Смоленьска посла на Дрьютескъ, и повоеваша ихъ.

Въ лѣто 6635 [1127]. Всеволодъ Олговичь Святославича выгна дядю своего Ярослава Святославича изъ Чернигова, а дружину его изсѣче и изграби; а Ярославъ бѣже к Киеву.

Того же лѣта посла князь великии Мьстиславъ братию свою и сыновь своихъ на Кривичь; и повоеваша ихъ.

Того же лѣта князь Всеволодъ Мъстиславичь заложи церковь каменну святого Иоанна, въ Новѣгородѣ, на Петрятинѣ дворѣ, въ имя сыновне. Въ то же время паде метыль густъ по земли и по водѣ по двѣ нощи, а по 4 дни.

Того же лѣта обложи Антонъ игумень трапезницу камену въ Новѣгородѣ.

Того же лѣта вода велика бысть въ Волховѣ, а снѣгь бяше тогда до Яковля дни, а на осень поби морозъ верешь всю и озимици; и бысть голодъ черезъ зиму, ржи осминка по полъгривнѣ.