В лѣто 6638 [1130]. Иде Всеволод с новогородци на Чюдь зимѣ, в говѣние, и самых исѣче, а хоромы пожже, а жены и дѣти приведе домовь.
Новгородская первая младшего извода
Новгородская Карамзинская
Софийская первая летопись
Тверская летопись
1130
И в том же лѣтѣ ходи къ отцю Кыеву.
Теги: Киев, Киевский, Князь, Новгородский, Мстислав Владимирович, Всеволод Мстиславич, 1130, 6638,
В то же лѣто концаша церковь святого Иоанна.
Теги: Церковь, Рождение Иоанна Предтечи, 1130, 6638,
Того же лѣта, идущи изъ заморья гость, потопе лодѣи 7, и сами истопоша и товаръ, а друзии вылѣзоша, нь нази; а из Дони приидоша здрави.
Теги: Новгород, Дания, 1130, 6638,
Того же лѣта отвержеся архиепископъ Иоанн новгородчкыи, сѣдѣ лѣт 20, и поставиша архиепископа Нифонта, мужа свята и зѣло боящася бога; и прииде Новугороду мѣсяца генваря въ 1 день, на святого Василья, на обѣднюю. А Петрилу даша посадничьство в Новѣгородѣ.
Теги: Архиепископ, Новгород, Новгородский, Посадник, Поставление, Василия, Память, Иоанн, Петрила Микульчич, Нифонт, 1130, 6638, 1 января,
В лѣто 6638. [1130] Посла Мстислав сыны своа, Всеволода, Изяслава и Ростислава, с дружиною их с новгородци на чюдь; и взяша их и дань възложиша.
Теги: Князь, Мстислав Владимирович, Новгородцы, Чудь, Всеволод Мстиславич, Изяслав Мстиславич, Ростислав Мстиславич, 1130, 6638,
Того же лѣта отвръжеся Иоан, архиепископь Новгородскыи, сидѣв лѣт 20; и поставиша архиепископа Нифонта, мужа свята и зѣло боящася Бога.
Теги: Архиепископ, Новгород, Поставление, Иоанн, Нифонт, 1130, 6638,
В лѣто 6638. [1130] Заточиг князь великии Всеволод князи полотескыя и съ княгинями къ Царюграду.
Теги: Князь, Константинополь, Княгиня, Всеволод Мстиславич, 1130, 6638,
Въ лѣто 6638 [1130]. Князь великии Мьстиславъ Володимеричь Манамашь поплѣни Литву.
Теги: Князь, Мстислав Владимирович, 1130, 6638, Литва,
Того же лѣта сынь его Всеволодъ съ Новогородци ходи на Чудь, и посѣче ихъ, и хоромы ихъ пожже, а жены ихь и дѣти ихъ приведе въ полонь со собою.
Теги: Князь, Новгородцы, Чудь, Всеволод Мстиславич, 1130, 6638,
Того же лѣта кончаша церковь святаго Иоанна.
Теги: Церковь, Рождение Иоанна Предтечи, 1130, 6638,
Тогда же идучи изъ замориа, со Готъ, потопи лодеи 7, и сами истопоша и товаръ, а друзии волѣзоша, но нази; а изъ Дони приидоша здрави.
Теги: Новгородцы, Дания, 1130, 6638, Готланд,
Того же лѣта архиепископъ Иоань, пиань, отврьжеся Новогородскиа епископіа , сѣдѣвь 20 лѣть. И поставиша архиепископа Нифонта, мужа свята и богобоязнива; и прииде къ Новогороду, мѣсяца генваря 1 день, на святаго великого Василиа, на обѣднюю. А Петрилу даша посадничьство.