В лѣто 6585 [1077]. Поиде Изяславъ с ляхы, а писано въ Киевьскомъ.
В лѣто 6586 [1078]. Бѣжа Олегъ, сынъ Святославль. Ищи в Киевьскомъ.
В лѣто 6586 [1078]. Бѣжа Олегъ, сынъ Святославль. Ищи в Киевьскомъ.
Убиение Глѣбово писано въ Киевьскомъ в шестое. Того же лѣта убиенъ бысть Глѣбъ Святославичь в Заволочии маия 30 и положенъ бысть в Черниговѣ за Святымь Спасомъ. Сѣде Всеволодъ опять на столѣ в Киевѣ и посади сына своего Владимера в Черниговѣ, а Ярополка в Володимерѣ, а Святополку сѣдящу Изяславичю в Новѣгородѣ, а Ярополку въ Вышегородѣ, а Володимеру въ Смоленьсцѣ.
В лѣто 6596 [1088]. Священа бысть церкви святого Михаила. Ищи в Киевьскомъ.
Се писано въ 7 въ Киевьскомъ о Янкѣ. Иде Янка въ Грекы, дщи Всеволожа, и приведе митрополита Иоанна Скопца. И пребывъ до года, и умре.
В лѣто 6597 [1089]. Священа бысть церкви Печерьская. Ищи въ Киевьскомъ. Преставися Иоан митрополитъ киевьскыи.
Того же году митрополитъ Иоань преставися, Исаиа епископь Ростовскыи; ищи сего подлинно въ Патерицѣ Печерскомъ, идеже о священнии церкви Печерскыа, тамо бо писано есть чюдеса тѣхъ святыхъ отецъ.
В лѣто 6598 [1090]. Приведе Янка митрополита Иоана. Ищи в Киевьскомъ. Град Переяславль заложенъ бысть каменемъ.
Того же лѣта князь великии Мъстиславь поточи Полотскыхъ князеи кь Царуграду, Давыда, и Ростислава, и Святослава, и Василиа, Иоанна.
Ничего не найдено