В лѣто 6423 [915]. Приидошя печенѣзи прьвое на Русь, и створивше мирь съ Игоремь, приидошя к Дунаю.
Новгородская первая младшего извода
Новгородская Карамзинская
Софийская первая летопись
Тверская летопись
915
В си же времена приде Симионъ, плѣня Фракию; греци же послашя по печенѣги, печенѣгомь же пришедшимь, хотящемь на Семиона. И разсваришяся греческиа воеводы. Видѣвше же печенѣзи, яко сами на ся рать имут, отъидошя въсвояси. А блъгаре съ греки съступишяся, и посѣчени бышя греци. Симеон же прея град Одерень, иже древле Орѣстов нарицашеся сына Агамемня, иже древле в трех рѣках купався, недуга избы ту, сего града въ свое имя нарече; послѣди же Андреанъ царь обновивы и в свое имя нарече Андрианъ. Мы же зовемь Андреанем градом.
Теги: Царь, Печенеги, Греки, Болгары дунайские, Симеон I, Болгарский, Фракия, 915, 6423, Адрианополь,
В лѣто 6423 [915]. Приидоша печенѣзи первое на Русь, створивше миръ съ Игоремъ, приидоша къ Дунаю.
Теги: Русь, Печенеги, Река, Дунай, Игорь Рюрикович, 915, 6423,
В си же времена прииде Симионъ, плѣняя Фракию. Греци же послаша по печенѣгы, печенѣгомъ же пришедшимъ, хотящимъ на Симеона, и расваришася греческия воеводы. Видѣвъ же печенѣзи, яко сами на ся рать имуть, отъидоша въсвояси, а болгари съ греки съступишася, и посѣчени быша греци. Симеонъ же прия градъ Андрѣянь, иже древле Ористовъ градъ нарицаашеся, сына Алгамемня , иже древле въ трехъ рекахъ купася, недуга избы ту; сего града въ свое имя нарече. Послѣ же Андрѣянъ царь, обновивы въ свое имя, нарече Андрѣянъ. Мы же зовемъ Андрѣянемъ градомъ.
Теги: Царь, Печенеги, Греки, Болгары дунайские, Симеон I, Болгарский, Фракия, 915, 6423, Адрианополь,
Въ лѣто 6423 [915]. Приидоша Печенѣзи прьвое на Русь; сътворивше миръ съ Игоремъ, приидоша кь Дунаю.
Теги: Русь, Печенеги, Река, Дунай, Игорь Рюрикович, 915, 6423,
Въ си же времена прииде Семионь Болгарскый, плѣневаше Фрасию, Греци же послаша по Печенѣгы; Печенѣгомъ же пришедшимъ, хотящимъ на Симеона, и разсваришася Греческиа воеводы; видѣвши же Печенѣзи, яко сами на ся рать имутъ, и отъидоша въ своаси, а Болгари съ Грекы сьступишася, и посѣчени быша Греци. Симеонъ же приа градъ Андреанъ, иже древле Орестовъ градъ нарицаашеся, сына Агамемня, иже древле въ трехъ рѣкахъ купася, недуга избы ту, сего ради въ свое имя нарече; послѣдиже Андрѣань царь обнови его, вь свое имя нарече Андрѣанъ,мы же зовемъ Андреанемъ градомъ.