В лѣто 6662 [1154]. Мѣсяца марта изъгнаша новгородци князя Ярослава, въ 26, и введоша Мьстислава, сына Ростиславля, априля въ 17.

В то же лѣто поставиша церковь святого Савы.

И в то же лѣто преставися Изяславъ в Киевѣ, ноября въ 14. Тогда же иде Ростиславъ из Новагорода в Киевъ на столъ, оставивъ сына своего в Новѣгородѣ; вознегодоваша новгородци, зане не створи имъ наряда, но болши раздра, и показаша путь сынови его по немъ. Тогда же послаша владыку Нифонта с передними мужи къ Юрьеви по сынъ, и введоша Мьстислава, сына Юрьева, генваря въ 30.

Тои же зимѣ преставися Вечеславъ в Киевѣ. Тогда же иде Ростиславъ ис Кыева, сѣдевъ недѣлю, к Чернигову, и побѣдиша и прельстивше; и сѣде Изяславъ Давыдовиць в Киевѣ на столѣ.

В лѣто 6662. Заложиша церковь святого Савы.

В то же лѣто выгнаша новгородци Святослава Изяславлича, а Романа Ростиславлича посадишя. Тогда же иде Ростислав из Новаграда в Киев на стол, оставив сына своего Мстислава в Новѣградѣ; и възнегодовашя новгородци, зане створи имъ наряда, но боле раздра, и показашя путь сынови его по немъ. Тогда же послаша владыку Нифонта съ прежними мужи къ Юрьеви по сынъ и введоша Мстислава сына Юрьева.

Въ лѣто 6662 [1154]. Князь великій Изяславъ Мьстиславичь поа другую жену, Обызеню.

Того же лѣта Новогородци выгнаша изъ Новагорода Ярослава Изяславича, а Ростиславь Мьстиславича посадиша у себя. Новогородь Кіевской.

Того же лѣта преставися Святополкь Мьстиславичь въ Володимерѣ, и посади князь великій сына своего Ярослава въ него мѣсто.

Того же лѣта преставися княгини Глѣбова въ Суждалѣ.

Въ то же лѣто поставиша въ Новѣгородѣ церковь святаго Савы.