В лѣто 6661 [1153]. Иде боголюбивыи архиепископъ Нифонтъ в Ладогу и заложи церковь святого Климента. В то же лѣто заложи Аркадии игуменъ святыя богородица Успение и состави собѣ монастырь; и бысть крестияномъ прибѣжище и аггелом радость.
Новгородская первая младшего извода
Новгородская Карамзинская
Софийская первая летопись
Тверская летопись
1153
В лѣто 6661. Иде боголюбивыи архиепископь Нифонтъ в Ладогу. И заложи церковь святого Климента. В то же лѣто заложи Аркадии игумен Успение святыа Богородица и състави собѣ монастырь, и бысть христианом прибѣжище и ангелом радость.
Теги: Архиепископ, Игумен, Монастырь, Церковь, Закладка, Успения Богородицы, Ладога, Нифонт, Климента, Аркадий, Аркажский, 1153, 6661,
1156
Тои же веснѣ преставися архиепископъ Нифонтъ новгородчкыи, априля въ 21: шелъ бо бяше къ Кыеву противъ митрополита; инии же мнози глаголаху, яко, лупивъ святую Софѣю, пошелъ къ Цесарюграду; много глаголаху на нь, нь собѣ на грѣх. О семъ бы разумѣти комуждо нас: которыи епископъ тако украси святую Софѣю, притворы исписаа, кивот створи и всю извну украси; и въ Пьсковѣ святого Спаса церковь созда камену, другую в Ладозѣ святого Климента. Мню бо, яко не хотя богъ, по грѣхомъ нашимъ, дати нам на утѣшение гроба его, отведе и къ Кыеву, и тамо преставися; и пакы ту положиша и в Печерьстѣмъ манастырѣ.