В лѣто 6653 [1145]. Стояста 2 недѣлѣ полнѣ, яко искря гуце, теплѣ велми, пред жатвы, и потомъ наиде дождь, яко не видихомъ ясна дни ни до зимы; и много убо жита и сѣна, и не удолѣша; а вода бысть болши третьяго лѣта на ту осень; а на зиму не бысть снѣга велика, ни ясна дни, и до марта.
Новгородская первая младшего извода
Новгородская Карамзинская
Софийская первая летопись
Тверская летопись
1145
Въ лѣто 6653 [1145]. Стоа 3 недѣли тепло добрѣ предъ ясатвою, и потомъ наиде дождь, и до зимы дни ясна не бысть, и много убитка въ житѣ и въ сѣнѣ.
Теги: Осень, 6653, 1145,
Въ то же лѣто утопоста два попа, и не дасть владыка пѣти надъ ними.
Теги: Смерть, Священник, 6653, 1145,
Того же лѣта заложиша церковь каменну на Смядынѣ Бориса и Глѣба, въ Смоленъску.
Теги: Смоленск, Церковь, Смядынь, Бориса и Глеба, Закладка, 6653, 1145,
Того же лѣта ходиша вся Русская земля кь Галичу, и много попустошиша областии, а города не взяша ни единого, и възвратишася; ходиша же изъ Новагорода въ помощь кианомъ, съ воеводою Неревиномъ, и възвратишася съ любовию.