На ту же зиму ходи князь Ярославъ с новгородци и со плесковици и с новоторжьци и с ладожаны и со всею областью новгородчкою к Полотску, и устрѣтоша полочанѣ с поклономъ на озерѣ Касоплѣ; и вземше миръ, възъвратишася в Новъгород: Богъ бо не вдалъ кровопролитья крестияномъ.

На ту же зыму ходи князь Ярославъ Володимеричь съ новогородци на полочанъ къ Полотцку, съ плесковичи и съ всею областию Новогородскою; и усрѣтоша ихъ полочанѣ съ поклономъ на озерѣ на Косоплѣ, и вземше миръ възвратишася въ Новгородъ: Богь бо не вда кровопролитиа христианомъ.