В лѣто 6661 [1153]. Иде боголюбивыи архиепископъ Нифонтъ в Ладогу и заложи церковь святого Климента. В то же лѣто заложи Аркадии игуменъ святыя богородица Успение и состави собѣ монастырь; и бысть крестияномъ прибѣжище и аггелом радость.
Новгородская первая младшего извода
Новгородская Карамзинская
Софийская первая летопись
Тверская летопись
1153
В лѣто 6661. Иде боголюбивыи архиепископь Нифонтъ в Ладогу. И заложи церковь святого Климента. В то же лѣто заложи Аркадии игумен Успение святыа Богородица и състави собѣ монастырь, и бысть христианом прибѣжище и ангелом радость.
Теги: Архиепископ, Игумен, Монастырь, Церковь, Закладка, Успения Богородицы, Ладога, Нифонт, Климента, Аркадий, Аркажский, 1153, 6661,
Въ лѣто 6661 [1153]. Зымѣ князь великій Изяславъ пріиде къ Новугородцу на Святослава Олговича и на Василка Юріевича, и не успѣ имъ ничтоже, но смирися съ ними, иде ко Кіеву, а Василко иде кь отцу.
Теги: Киев, Киевский, Князь, Новгородец, Изяслав Мстиславич, Святослав Ольгович, 1153, 6661, Василько Юрьевич,
Тоа же зимы преставися Володимерко Галицкій.
Теги: Смерть князя, Зима, Владимир Володаревич (Владимирко), Галицкий, 1153, 6661,
Въ то же лѣто заложи владыка Нифонть церковь каменну въ Ладогѣ.
Теги: Архиепископ, Церковь, Ладога, Нифонт, 1153, 6661,
Того же лѣта въ Новѣгородѣ (сруби) Аркадъ игумень церковь святыя Богородица Успеніе, и составы собѣ манастырь; и бысть христіаиомъ прибѣжище, иже и донынѣ стоить Аркажь манастырь.
Теги: Игумен, Монастырь, Новгород, Церковь, Закладка, Успения Богородицы, Аркадий, Аркажский, 1153, 6661,
Того же лѣта князь великій Изяславь ходи кь Галичю на Володимерковичевъ, и выидоша Галичане безъ князя, и бишася съ ними, и бысть смятеніе, сіи тѣхъ гнаша, а тіи сѣхъ, и тако, въ тои же нощи, възбоявся Изяславь възвратися кь Кіеву, а вой обои много паде.