В лѣто 6661 [1153]. Иде боголюбивыи архиепископъ Нифонтъ в Ладогу и заложи церковь святого Климента. В то же лѣто заложи Аркадии игуменъ святыя богородица Успение и состави собѣ монастырь; и бысть крестияномъ прибѣжище и аггелом радость.

В лѣто 6661. Иде боголюбивыи архиепископь Нифонтъ в Ладогу. И заложи церковь святого Климента. В то же лѣто заложи Аркадии игумен Успение святыа Богородица и състави собѣ монастырь, и бысть христианом прибѣжище и ангелом радость.

Того же лѣта въ Новѣгородѣ (сруби) Аркадъ игумень церковь святыя Богородица Успеніе, и составы собѣ манастырь; и бысть христіаиомъ прибѣжище, иже и донынѣ стоить Аркажь манастырь.

В то же лѣто собрася всь град людии, изволѣша собѣ епископомь поставити мужа свята и богомъ изъбрана именемь Аркадиа; и шед весь народ, пояша из манастыря святыя Богородица, и князь Мьстиславъ Юрьевич, и весь крилосъ святыя Софѣя, и вси попове городстѣи, игумены и чернци, и введоша и, и поручивше ему епископью въ дворѣ святыя Софѣя, дондеже приидеть митрополит в Русь; и тогда поидеши ставится.

Того же лѣта събрася всь град, изволиша себѣ епископом ставити мужа, Богомь избранна, Аркадия; и шед всь народ, пояша его из монастыря святыа Богородица, князь Мстислав Юрьевич и всь клиросъ святые Софиа, и вси попове градстии, и игумени, и черньци, и введоша и, и поручивше ему епископию в дворѣ святыа София, дондеже прииде митрополит в Русь.

Того же лѣта поиде Аркадии къ Кыеву ставится епископомъ, и поставленъ бысть от митрополита Костянтина, и прииде в Новъгород, мѣсяца семтября въ 13 день, на канунъ святого Въздвижениа.

Того же лѣта ходи Аркадии к Киеву ставитися архиепископомъ, и поставлен бысть от митрополита Констянтина, и приде в Новград.

В лѣто 6671 [1163]. Преставися архиепископь новгородчкыи владыка Аркадии септября въ 19; положиша его съ великою честью въ притворѣ святыя Софѣя.