В лѣто 6708 [1200]. Литва взяша Ловоть и до Налюча, с Бѣлѣи и до Свинорта и до Ворча середу; и нагнашася новгородци по них и до Чернянъ, и бишася с ними и убиша у нихъ мужь въ Клинѣ 80, а новгородець 15: Рагуилу Прокшиница с братомъ Олексою, Юрья Сбыщиница, Ратмира Нѣжатиница, Страшка серебряника вѣсца, Внѣзда Ягиница, Луку Мирошкинъ отрокъ, Микиту Лазоревица, Жирошку Огасовица, Осипа подвоискаго, Романа Потка, инѣх 4 муж; а полонъ всь отяша, а избытокъ убѣжа.
Новгородская первая младшего извода
Новгородская Карамзинская
Софийская первая летопись
Тверская летопись
1200
В то же лѣто иде Нездыла Пьхичиниць на Лукы воеводою; иде с Лукъ малою дружиною в Лотыголу на сторонѣ, и засташа я въ одринах, и убиша их 40 муж, а жены их и дѣти поимаша, а сами приидоша на Лукы вси здрави; а кто бѣ не пошелъ по них Столбовичи с николикымъ дружины, а у тѣх, бывши, куны поимаша.
Теги: Воевода, 6708, 1200, Великие Луки, Лотыгольская земля, Великолукский, Молвотицы, Несдила Пехчинич,
Въ лѣто 6708 [1200]. Преставися Ярославь Всеволодичь Святославича Черниговскии.
Теги: Князь, Святослав Ярославич, Смерть князя, Ярослав Всеволодович, 6708, 1200,
Тоя же осени приидоша новогородци въ Володимиръ къ великому князю Всеволоду Юриевичу, лучшии мужи, Мирошкина чадь, рекуче: «Ты господинь, ты царь, тебѣ отчина Новьгородъ; а нынѣ просимъ у тебе сына Новогороду». Князъ же великии здума з дружиною своею, и утвръди ихъ крестомъ на всеи воли своеи, дасть имъ сынъ Святославъ, Новогородци же пояша его у святыа Богородица съ благословениемъ у епископа Иоанна; и отпусти ихъ князь великии съ честию и съ любовию. И иде Святославъ княжити декабря 12, братиа же проводиша его съ честию; приведъ посадиша его на столѣ въ Новѣгородѣ. А въ то же время князъ великии здумавъ съ посадникомъ и съ новогородци, и выведе въ епископию Митрофана, Богомъ избранна; и весь Новьгородъ шедше, съ честию посадиша его. «Донележе будетъ отъ митрополита позвание, и тогда поидеши на поставление».
Теги: Архиепископ, Владимир, Вокняжение, Епископ, Князь, Новгород, Новгородский, Посадник, Поставление, Церковь, Новгородцы, Ростовский, Осень, Успения Богородицы, Святослав Всеволодович, Всеволод Юрьевич, 6708, 1200, Мирошка Несдинич, 12 декабря, Митрофан, Иоанн II,
Того же заложи церковь камену Святыхъ Мученикь 40 съ Прокшею съ Малишевычемь.
Теги: Новгород, Церковь, Новгородец, Закладка, Сорока Севастийских мучеников, 6708, 1200, Прокша (Порфирий) Малышевич,
Того же лѣта постави церковь княгины Ярославля, манастырь сътвори Рожество святыа Богородица, и игуменую постави Завжую посадницу.
Теги: Монастырь, Новгород, Церковь, Княгиня, Закладка, Основание, Рождества Богородицы, 6708, 1200, Игуменья, Жена Ярослава Владимировича, Дочь Завида Неревинича, Михалицкий,
Того же лѣта исписаша церкви 2, святаго Спаса на Городищи и святаго Спаса въ Русѣ.
Теги: Спасо-Преображенская, Гора, Роспись, 6708, 1200, Нередица, Старая Русса,
Въ то же лѣто въ Русѣ обложиша городъ
Теги: 6708, 1200, Старая Русса,
Того же лѣта взяша литва Ловоть и до Налюча, со Белие и до Свинорта; и гнашася новогородци по нихъ и до Чернянъ, и бишася съ ними, и убиша у нихъ въ Клинѣ мужеи 80, а новогородецъ 15: Рагуила Прокопииничу съ братомъ, Гюргіа Събыкшинича, Ратмира Нѣжатнича, Страшка серебряного вѣсца, Внѣзда Ягинича, Луку Мирошкина отрока, Микиту Лазоревича, Жирошку, Осипа подвойского, Романа и иныхъ 4 мужи; а полонъ весь отъяша.
Теги: Новгородцы, Река, Новгородец, Литовцы, Страшко, Клин, 6708, 1200, Ловать, Налюч, Белая, Свинорт, Черняны, Рагуил Прокшинич, Юрий Сбышкинич, Ратмир Нежатинич, Серебренник, Внезд Ягинич, Лука Мирошкин, Никита Лазоревич, Жирошка Огасович, Роман Потка, Осип Подвойский,
Въ то же лѣто иде Нѣздыло Пѣхтинычь воеводою на Лукы; иде съ малою дружиною съ Лукь на Лотиголу на торонь, и заставаша а въ одринахъ, убиша ихъ 40 мужъ, а жены ихъ и дѣти поимаша, а сами приидоша на Луки всѣ здоровы; а кто бѣ не пошелъ съ ними съ Молбовичь съ нѣколкомъ дружины, а тѣхъ бывше и куны поимаша.